Minčuk sprabavaŭ skraści z kramy kaŭbasu da navahodniaha stała, paviedamlaje milicyja.
22 śniežnia siłaviki atrymali sihnał ab spracoŭvańni tryvožnaj sihnalizacyi ŭ kramie na vulicy Prytyckaha. Narad zatrymaŭ 41-hadovaha minčuka, jakoha achoŭniki kramy padazravali ŭ kradziažy.
Padčas nadhladu ŭ sumcy ŭ mužčyny znajšli 16 batonaŭ kaŭbasy. Ich jon pranios mima kas. U kišeni byŭ kluč ad kamiery zachoŭvańnia kramy. U jačejcy milicyjaniery vyjavili 11 banak i dva pakiety kavy. Zapisy z kamier videanazirańnia pakazali, što kavu mužčyna vynies z handlovaj zały pieršaj partyjaj, a zatym viarnuŭsia za kaŭbasoj.
Uvieś skradzieny tavar acanili ŭ 370 rubloŭ. Zatrymany rastłumačyŭ, što pražyvaje pobač i takim sposabam sprabavaŭ zrabić sabie padarunak da navahodnich śviataŭ.
