«Naša Niva» sa spasyłkaj na słovy paciarpiełych paviedamlała ab ćmianym zdareńni ŭ Słucku, u jakim paciarpieŭ supracoŭnik, jak zdavałasia, Słužby biaśpieki prezidenta — jahonaja žonka vinavaciła milicyju.
Čytajcie detali: U Słucku na horki jabłyk źbili supracoŭnika słužby biaśpieki prezidenta: ci to padletki, ci to milicyja
Pres-sakratar milicyi Minskaj vobłaści Siarhiej Čabataroŭ praź niekalki dzion udakładniŭ infarmacyju.
«My praviali pravierku, zaviadziena kryminalnaja sprava — materyjały pieradadzieny ŭ Śledčy kamitet.
Ale ŭ słovach žonki jość niedakładnaści, najpierš — jon nie supracoŭnik SBP, a inśpiektar słužby biaśpieki adnaho ź minskich hatelaŭ
Dalej: jość videazapisy, jak supracoŭniki vyklikajuć jaje mužu chutkuju, heta paćviardžaje aŭdyjazapis z samoj chutkaj.
Pa našych videazapisach, kali milicyja prybyvaje da miesca druhoj bojki, paciarpieły ŭžo lažyć i chrypić, śpiecsrodki suprać jaho nie ŭžyvalisia, milicyja nie datyčnaja — sprava ab chulihanstvie zaviedziena na 33-hadovaha žychara Salihorska», — skazaŭ nam Čabataroŭ.
Varta dadać, što sam paciarpieły ŭ prytomnaści i ŭ razmovie z «Našaj Nivaj» nastojvaje, što bačyŭ, jak jaho bili supracoŭniki milicyi, i hatovy ich apaznać.