U Kazachstanie vyrašyli całkam admianić śmiarotnaje pakarańnie, paviedamlaje tengrinews.kz.
«Nadyšoŭ taksama čas dla vyrašeńnia pytańniaŭ, jakija aktyŭna padymalisia našymi pravaabaroncami», — zajaviŭ prezident krainy Kasym-Žamart Takajeŭ na na pasiadžeńni nacyjanalnaj rady hramadskaha davieru pry kiraŭniku respubliki.
Jon daručyŭ MZS krainy pačać praceduru dałučeńnia da Druhoha Fakultatyŭnaha pratakoła da Mižnarodnaha pakta ab hramadzianskich i palityčnych pravach, nakiravanaha na admienu śmiarotnaha pakarańnia.
U Kazachstanie z 2003 hoda dziejničaje biesterminovy maratoryj na prymianieńnie śmiarotnaha pakarańnia. Pry hetym samo śmiarotnaje pakarańnie jak vid kryminalnaha pakarańnia maratoryjem nie admienienaje i moža być pryviedziena ŭ vykanańnie praz hod paśla admieny maratoryja. Z 2004 hoda zamiest jaje ŭžyvajecca pažyćciovaje pazbaŭleńnie voli.
