Kiraŭnik Biełarusi Alaksandr Łukašenka nakiravaŭsia z rabočaj pajezdkaj u Sočy, dzie praviadzie pieramovy prezidentam Rasii Uładzimiram Pucinym, paviedamlaje telekanał «Biełaruś-1».
«Samalot kiraŭnika dziaržavy vylecieŭ z Nacyjanalnaha aeraporta ŭ Sočy», - paviedamili ŭ efiry.
Płanujecca, što sustreča adbudziecca ŭ druhoj pałovie dnia ŭ rezidencyi Bačaroŭ Ručaj.
Łukašenka i Pucin majuć abmierkavać «pytańni dvuchbakovych adnosin: darožnyja karty pa raźvićci sajuźnickich adnosin, sajuznaj dziaržavy, bujnyja inviestycyjnyja prajekty, hazavyja spravy». Tak raniej akreśliŭ tematyku sustrečy pres-sakratar prezidenta RF Dźmitryj Piaskoŭ.
6 śniežnia ŭ Sočy praviali pieramovy premjer-ministr Biełarusi Siarhiej Rumas i staršynia ŭrada Rasii Dźmitryj Miadźviedzieŭ.
Baki abmiarkoŭvali adpaviednuju tematyku napiaredadni pieramovaŭ na vyšejšym uzroŭni. U pryvatnaści, razhladalisia niavyrašanyja pytańni pa intehracyi ŭ sajuznaj dziaržavie. Pa stanie na ranicu 6 śniežnia zastavałasia ŭzhadnić 16 pytańniaŭ pa intehracyjnym kartach. Paśla sustrečy sam-nasam pieramovy praciahnulisia ŭ pašyranym farmacie z udziełam uradavych delehacyj. Ź biełaruskaha boku ŭdzielničali pieršy vice-premjer Dźmitryj Kruty, vice-premjer Ihar Lašenka, ministr finansaŭ Maksim Jermałovič, ministr enierhietyki Viktar Karankievič, staršynia kancerna «Biełnaftachim» Andrej Rybakoŭ i inšyja kiraŭniki dziaržorhanaŭ.
Asnoŭnyja supiarečnaści bakoŭ u pieramovach pa intehracyi datyčacca pytańniaŭ cany na rasijski haz dla Biełarusi ŭ 2020 hodzie i kampiensacyi Minsku strat u vyniku padatkovaha manieŭru ŭ naftavaj śfiery RF.
