Pa sacyjalnych sietkach masava pierastaŭlajucca prapanovy vykazać svaju niazhodu z mahčymaj «intehracyjaj» z Rasijaj.
Pryčym roznyja inicyjatyvy vystupili z roznymi idejami.
«Čytajučy historyju zdačy Rečy Paspalitaj u vasiamnaccatym stahodździ, ja nijak nia moh daŭmiecca: JAK možna było nastolki biazdarna, moŭčki, siedziačy pa svaich nišach, zdać dziaržavu?!
Ciapier pačynaju razumieć. Maskva paŭtaraje toje, što jana ŭžo rabiła ŭ 1772, 1793 i 1795 hodzie. Śpiarša ekanamičnym, jurydyčnym, karupcyjnym, infarmacyjnym, vajskovym šlacham nas karpatliva pryviazvajuć da Rasii, a potym zastajecca prybrać z šachmatnaj doški paru fihuraŭ typu Paniatoŭskaha albo Łukašenki — i anšlus. Bieź zialonych čałaviečkaŭ i zachodnich sankcyjaŭ», — tłumačyć Sieviaryniec.
«Kali pratestu nie budzie, tavaryš Piaskoŭ zmoža spakojna paŭtaryć słovy zdradnika Ankviča na Niamym sojmie ŭ Harodni 1793-ha: «Mołčanije jesť znak sohłasija», — padsumoŭvaje palityk.
«Naša meta — davieści, što biełarusy nie prymajuć tajemnych damoŭlenaściaŭ pamiž uładami Biełarusi i Rasii, i nie zhodnyja na toje, kab los krainy vyrašaŭsia bieź ich udziełu!», — udakładniaje zasnavalnik «Biełaha Lehijona» Siarhiej Čysłaŭ.
