Fota Voli Aficeravaj
Paśla dastatkovaha adpačynku, času ź dziećmi i blizkimi čałaviek hatovy hienieravać kreatyŭnyja idei. Takoje mierkavańnie vykazali ŭdzielniki Mižnarodnaj navukova-praktyčnaj kanfierencyi «Stratehija raźvićcia ekanomiki Biełarusi: vykliki, instrumienty realizacyi i pierśpiektyvy», jakaja prachodzić ŭ Nacyjanalnaj akademii navuk, paviedamlajuć Minsk-naviny.
— Šviedy praviali daśledavańnie i vyśvietlili: čałaviek nie moža pracavać intensiŭna na praciahu bolš čym 6,5 hadziny. Potym jon stamlajecca, hublaje ŭvahu, — skazaŭ Valeryj Bielski, doktar ekanamičnych navuk, dyrektar Instytuta ekanomiki NAN Biełarusi.
Pavodle jaho słoŭ, u krainach, dzie dobra raźvity sistemy aŭtamatyzavanaha kiravańnia (dzie čałaviek čaściej pracuje z mašynaj, a nie inšym čałaviekam), kaštoŭnaść žyvych znosin hublajecca:
— Treba davać ludziam čas dla adnaŭleńnia dušeŭnych i fizičnych sił. Ciapier kažuć pra skaročany pracoŭny tydzień. Jon daje mahčymaść zachavać resurs čałavieka. Adpačynak — heta pierśpiektyva taho, što paśla razmovy ź dziećmi, blizkimi ŭ čałavieka źjaviacca resursy i kreatyŭnyja idei. Tamu, kali razhladajuć pytańnie, rabić 31 śniežnia vychodnym ci nie, ja prapanuju rabić.
Ź Bielskim zhodnaja doktar ekanamičnych navuk Ludmiła Niecharošava:
— Sapraŭdy, kali pahladzieć na inšyja krainy, my dzivimsia: jany adpačyvajuć u kancy śniežnia i paśpiavajuć usio zrabić. U hetym istotnaje adroźnieńnie arhanizacyi pracy ŭ nas i za miažoj.
Nahadajem, u apošnija hady biełarusy adpačyvali 31 śniežnia. U 2016-m i 2017-m hety dzień prypaŭ na subotu i niadzielu adpaviedna. Pierad sustrečaj Novaha, 2019 hoda biełarusy adpačyvali ŭ paniadziełak, 31 śniežnia, bo zahadzia adpracavali jaho ŭ subotu, 29 śniežnia.