3 śniežnia ŭmovy nadvorja nočču i ranicaj na bolšaj častcy terytoryi Biełarusi budzie vyznačać frantalny padzieł, jaki pieramiaščajecca z paŭnočnaha zachadu Jeŭropy, paviedamlaje Biełhidramiet.
U dzionnyja hadziny pa paŭnočnym zachadzie krainy budzie zaŭvažny ŭpłyŭ vobłaści pavyšanaha atmaśfiernaha cisku. Čakajecca vobłačnaje z prajaśnieńniami nadvorje.
Nočču i ranicaj na bolšaj častcy terytoryi, dniom pa paŭdniovym uschodzie śnieh, słabaja miacielica. Miescami słaby hałalod, na asobnych učastkach daroh hałalodzica. Viecier paŭdniova-zachodni ź pierachodam na paŭnočna-zachodni ŭmierany, miescami paryvisty.
Tempieratura pavietra minimalnaja nočču 0..- 5 ° S, maksimalnaja dniom -3.. + 2 ° S. Atmaśfierny cisk unačy istotna nie źmienicca, ranicaj i dniom budzie raści.