Novy hatunak jabłykaŭ, jaki, jak śćviardžajecca, zachoŭvajecca ŭ ladoŭni da hoda, pastupiŭ u prodaž u ZŠA. Jaho sielekcyja zaniała kala 20 hadoŭ, piša bbc.com.
Hatunak Cosmic Crisp źjaŭlajecca hibrydam Honeycrisp and Enterprise. Upieršyniu jon byŭ vyviedzieny navukoŭcami Vašynhtonskaha ŭniviersiteta ŭ 1997 hodzie.
Kamiercyjnaja vytvorčaść hetaha hatunku chrumstkich i sakavitych jabłykaŭ kaštavała 10 miljonaŭ dołaraŭ.
Fiermiery štata Vašynhton atrymali ekskluziŭnaje prava vyroščvać hatunak na praciahu nastupnych 10 hadoŭ.
«Heta ultra-chrumstki, dosyć ćviordy i sakavity jabłyk z kisła-sałodkim smakam», - kaža Kiejt Evans, jakaja viała prahramu sielekcyi ŭ dziaržaŭnym univiersitecie.
Pavodle jaje słoŭ, miakać hetych jabłykaŭ vielmi pavolna robicca karyčnievaj. Jany źbierahajuć vydatny smak pry zachoŭvańni ŭ chaładzilniku na praciahu 10—12 miesiacaŭ.
Ciapier u štacie bolš za 12 000 000 jabłyń, a strohaja sistema licenzavańnia nie dazvalaje vyroščvać jaje za miežami Vašynhtona.
Nazva Cosmic Crisp źjaviłasia dziakujučy vialikaj kolkaści biełych krapinak na pavierchni jabłyka, jakija nahadvajuć zornaje nieba.
Pa prodažach u ZŠA siarod sadaviny jabłyki — na druhim miescy. Jany sastupajuć tolki bananam.
