Padazravanyja ŭ zabojstvie chłopčyka ŭ centry Kijeva — heta mužčyny 18 i 19 hadoŭ. Pra heta na bryfinhu paviedamiŭ namieśnik staršyni Nacyjanalnaj palicyi Ukrainy Andrej Kryščanka, piša bbc.com.
Adna z asnoŭnych viersij — finansava-haspadarčaja dziejnaść Viačasłava Sobaleva, baćki zahinułaha chłopčyka.
Znojdzienaja i zbroja, ź jakoj ździejśnili zabojstva: karabin kalibram 7,62 mm.
U niadzielu ŭ Kijevie nieviadomy stralaŭ u aŭtamabil, u sałonie jakoha znachodziłasia siamja. Kula trapiła ŭ trochhadovaha chłopčyka, jaki ad atrymanych traŭmaŭ pamior pa darozie ŭ balnicu.
Za rulom Range Rover byŭ biznesmien i deputat Kijeŭskaj abłasnoj rady Viačasłaŭ Sobaleŭ.
Viačasłaŭ Sobaleŭ — ukrainski ekanamist i biznesmien. Pracavaŭ u NAK «Naftahaz Ukrainy». U 2005—2006 hod byŭ namieśnikam mera Daniecka. U 2015 staŭ deputatam Kijeŭskaj abłasnoj rady ad partyi «Błok Piatra Parašenki».
Ciapier jon taksama zajmajecca restarannym biznesam. Z adkrytych rejestraŭ viadoma, što maje nieruchomaść u Daniecku.
Sobaleŭ — baćka piaciarych dziaciej, jaho małodšy syn naradziŭsia ŭ 2016 hodzie.
