Vice-prezident NAK i syn Alaksandra Łukašenki Viktar pavinšavaŭ bresckaje «Dynama» ź pieramohaj u čempijanacie i pieradaŭ słovy ad baćki.
— Toje, što zrabili ŭsie astatnija tut prysutnyja, pa-inšamu jak revalucyja ŭ futbolnym śviecie — heta nie nazavieš. Tamu — ź pieramohaj vas! Chłopcy, ja chaču pieradać vinšavańni ad kiraŭnika našaj dziaržavy, ad našaha prezidenta, ad prezidenta NAK — Alaksandra Łukašenki. Kazać šmat nie budu. Vy viedajecie, ni razu nie było jašče, kab u našym turniry byli čempijony, i ich by vinšavaŭ by prezident. Vy, napeŭna, pieršyja. Moža, ja pamylajusia, ale vy pieršyja. Dumaju, praź niekalki chvilin aficyjnaje vinšavańnie vyjdzie.
Vinšuju vas ź pieramohaj! Sa śviatam! Vy zrabili dla horada, dla siabie i naohuł dla našaj krainy vielmi vialikaje śviata. Ź pieramohaj vas! Daj boh vam zdaroŭja! I hulajcie, adpačyvajcie! A voś hetyja čarki — heta harełka prezidenta. Jana nidzie nie pradajecca. Heta čysta dla vašaj kamandy ad nas ad usich, — skazaŭ Viktar Łukašenka.
Bos bresckaha «Dynama» Alaksandr Zajcaŭ raniej byŭ pamočnikam Viktara Łukašenki.
Pieramoha «Dynama», jak i niadaŭniaje pryznačeńnie Viktara Łukašenki vice-prezidentam Nacyjanalnaha alimpijskaha kamiteta, pavyšajuć palityčnuju vahu starejšaha syna prezidenta.
