U Rasii zajavili, što asabistyja rečy ŭkrainskich marakoŭ z sudnaŭ Nikapal, Bierdziansk i Jany Kapu «zhnili z-za vilhotnaści». Pra heta raspavioŭ advakat ukrainskich marakoŭ Mikałaj Połazaŭ, piša Jesprieso.TV.
«Jak mnie patłumačyli śledčyja, z-za vilhotnaści i ŭmoŭ zachoŭvańnia — karabli byli biez nahladu — častka rečaŭ, jakaja tam zastałasia, była vielmi mocna paškodžana… Praściej kažučy, niekatoryja pradmiety adzieńnia zhnili. Tamu jany nie stali ich addavać, a źniščyli», — raspavioŭ Połazaŭ.
Karabli kala 10 miesiacaŭ znachodzilisia faktyčna biez nahladu.
Połazaŭ nahadaŭ, što siarod aficyjna kanfiskavanych rečaŭ — usie bojeprypasy, asabistaja strałkovaja zbroja i štatnaje ŭzbrajeńnie (aŭtamaty Kałašnikava, pistalety, hranaty), a taksama mabilnyja telefony, kampjutary i fłeški marakoŭ.
