Učora kala 17.00 u škłoŭskuju milicyju patelefanavaŭ mužčyna i paviedamiŭ, što susied sprabuje parezać svaju žonku. Pravaachoŭniki vyśvietlili, što kryŭdzicielem 21-hadovaj paciarpiełaj źjaŭlajecca jaje 30-hadovy muž. Akazałasia, jon samavolna pakinuŭ «chimiju», dzie adbyvaŭ pakarańnie za katavańnie žonki, paviedamlaje MUS.
Asudžany, kali pryjechaŭ dadomu, pačaŭ źbivać žonku, adnak toj ŭdałosia vyrvacca i źbiehčy da susiedziaŭ. Užo tam kryŭdziciel paraniŭ žančynu pradmietam, padobnym da naža. Kanflikt spyniŭ haspadar doma, jaki i vyklikaŭ milicyju. Paśla hetaha złodziej źbieh.
U niekalkich rajonach vobłaści ŭvodziŭsia śpiecyjalny płan «Pierachop».
Siońnia kala 12.00 učastkovy inśpiektar ahladaŭ adno z domaŭładańniaŭ, dzie moh chavacca mužčyna. Raptam toj napaŭ na milicyjaniera i pasprabavaŭ zavałodać jaho tabielnaj zbrojaj.
Papieradžalnyja streły ŭ pavietra mužčyna praihnaravaŭ, pahražajučy padobnym da naža pradmietam.
U vyniku napadnika spynili dźvie kuli ŭ nahu i ruku. Inśpiektar vyklikaŭ miedykaŭ i spyniŭ paranienamu kryvaciok.
