NASA
Vyprabavańni pieršaha pratatypa karabla Starship Mk1 ad SpaceX na palihonie ŭ Boka-Čyka na poŭdni Techasa skončylisia niaŭdačaj. Mahutny vybuch adbyŭsia padčas testavańnia paliŭnych bakaŭ. Ab hetym paviedamlajecca na sajcie NASA.
Niaštatnaja situacyja ŭźnikła pry zapaŭnieńni reziervuaraŭ dla mietanu i kisłarodu kryjahiennaj vadkaściu. Vierchniaja pieraborka karabla łopnuła i była vykinutaja za miežy placoŭki, paśla čaho ŭ pavietra, padniałosia vobłaka pary i kryjahiennaj vadkaści. Nižniaja pieraborka taksama razarvałasia, što pakazvaje na razbureńnie ŭsioj unutranaj kanstrukcyi reziervuara.
Pa słovach pradstaŭnikoŭ SpaceX, metaj vyprabavańnia było maksimalnaje pavyšeńnie cisku ŭ sistemie, tamu była vysokaja vierahodnaść, što niešta pojdzie nie tak. Incydent nie źjaŭlajecca krytyčnym, pakolki raniej kampanija vyrašyła nie vykarystoŭvać Mk1 dla palotaŭ, a zasiarodzicca na raspracoŭcy Mk3 z palepšanym dyzajnam. Akramia taho, Mk1 nie byŭ całkam sabrany, i ŭ karabla adsutničaŭ vierchni abciakalnik i ruchaviki.
