Vysokapastaŭleny rasijski mytnik Maksim Mamčur źbieh u Kijeŭ. Pra heta stała viadoma «Fantancy».
Pa dadzienych vydańnia, 14 listapada namieśnik načalnika Paŭnočna-Zachodniaj mytni nie vyjšaŭ na pracu. Supracoŭniki mytni źviazalisia ź jaho baćkam, jaki pražyvaje va Ukrainie, — jon paviedamiŭ, što jaho syn zachvareŭ.
Paźniej było ŭstanoŭlena, što Mamčur ź siamjoj vyjechaŭ za miežy Rasii praź Biełaruś. Adznačajecca, što ciapier rasijski mytnik znachodzicca va Ukrainie. Abaviazki namieśnika načalnika budzie vykonvać jaho namieśnik — pałkoŭnik Śviatłana Andrejeva.
Za tydzień da hetaha adbyłasia padobnaja historyja — źnik načalnik adździeła mytnaha kantrolu paśla vypusku tavaraŭ Sankt-Pieciarburhskaj mytni Aleh Husieŭ. 15 listapada byŭ padpisany zahad ab jahonym zvalnieńni. Praź niekatory čas Husieŭ vyjšaŭ na suviaź z Prybałtyki i paprasiŭ «ličyć siabie zvolnienym».
