Minski rajonny sud aštrafavaŭ na 20 bazavych vieličyń (510 rubloŭ) abaroncu Kurapat, byłoha kandydata ŭ deputaty Źmitra Kazakieviča, piša Radyjo Svaboda.
Sud, jaki adbyŭsia 18 listapada, — čaćviorty nad zatrymanymi 3 listapada kala Kurapat aktyvistami. Tady paśla zakančeńnia šeścia na Dziady hrupa mitynhoŭcaŭ pajšła da restarana, kab pravieści tam sustreču kandydata z vybarcami. Hetak śćviardžaŭ Źmicier Kazakievič u sudzie.
Ale zamiest sustrečy adbyłasia sutyčka z administratarami restarana, jakija sprabavali nie puścić aktyvistaŭ na terytoryju. U vyniku 4 aktyvisty byli zatrymanyja, u tym liku i Źmicier Kazakievič. Uviečary 3 listapada jaho vyzvalili z pastarunku, a praź dzień vybarčaja kamisija pazbaviła Kazakieviča mandata kandydata. Z taho času adbyłosia 3 administracyjnyja pracesy, jakija skončylisia bujnymi štrafami i papiaredžańniem zatrymanych aktyvistaŭ.
