U Tbilisi śpiecnaz pačaŭ razhon akcyi pratestu la budynka parłamienta Hruzii, jany sprabujuć razbłakavać ŭvachody ŭ budynak parłamienta.
Palicyja ŭžyvaje dubinki i vadamioty i adciskaje mitynhoŭcaŭ, jany sprabujuć supraciŭlacca.
Niekalki čałaviek zatrymanyja. Tranślacyju ź miesca padziej viadzie hruzinski telekanał Mtavari.
Za niekalki chvilin śpiecnaz adcisnuŭ pratestoŭcaŭ, płošču pierad parłamientam začyścili, uvachody ŭ budynak razbłakavali.
Raniej palicyja dała ŭdzielnikam mitynhu paŭhadziny dla taho, kab pakinuć płošču pierad parłamientam.
Pryčynaj pratestu stali papraŭki ŭ kanstytucyju, pavodle jakich vybary ŭ 2020 hodzie pavinny prajści pa praparcyjnaj sistemie - 14 listapada ich nie pryniaŭ hruzinski parłamient.
Inicyjataram papravak vystupała kirujučaja partyja «Hruzinskaja mara», u ich pravale pratestoŭcy abvinavacili jaje lidara Bidzina Ivanišvili.