Fota Nadziei Bužan
U «Minskmietrabudzie» raspaviali, kali buduć budavać vietku źjezdu z treciaj linii na druhuju i ci pryjdziecca dla hetaha zakryvać niekatoryja stancyi padziemki, piša Tut.by.
Hienieralny dyrektar «Minskmietrabuda» Leanid Stuchalski raspavioŭ, kali płanujuć zakryć častku druhoj linii:
— Vielmi surjoznaja rabota napieradzie: urezka strełki, złučyć druhuju liniju z treciaj.
Dumaju, u sakaviku-krasaviku budzie spynieńnie mietro dla ŭrezki.
Pa hrafiku dzion na piać my spynim ciahniki ad «Frunzienskaj» da «Kamiennaj Horki». Zahadzia prynosim prabačeńni za časovyja niazručnaści, pryjdziecca krychu paciarpieć: budoŭla časovaja, a mietro naviečna. Kali strełka budzie zroblena, možna budzie havaryć upeŭniena, kali pačniecca abkatka ciahnikoŭ pa novaj linii.
Pra padobnyja płany, ale biez aryjencirovačnych dat, paviedamlałasia i raniej.