Fota Siarhieja Hudzilina
Uračystyja mierapryjemstvy, pryśviečanyja pačatku adpraŭki novaha papaŭnieńnia ŭ vojski, prachodziać siońnia ŭ stalicy i ŭsich abłasnych centrach, paviedamlaje Minabarony ŭ svaim telehram-kanale.
Siońnia ŭ vojski buduć nakiravanyja kala 1 500 pryzyŭnikoŭ, ź ich kala 400 čałaviek, pryzvanych vajennymi kamisaryjatami Minska i Minskaj vobłaści. Jany papoŭniać šerahi sił śpiecapieracyj, Minskaj vajennaj kamiendatury, navučalnych vajskovych čaściej
Usiaho na ŭkamplektavańnie Uzbrojenych sił, inšych vojskaŭ i voinskich farmiravańniaŭ płanujecca nakiravać kala 12 000 čałaviek.
Pryzyvu na pryzyŭnyja kamisii vosieńniu hetaha hoda padlahała kala 70 tysiač maładych ludziej.
Pryzyŭnymi kamisijami ŭ dačynieńni da hramadzian užo pryniata bolš za 52 tysiačy rašeńniaŭ. Dadziena bolš za 23 tysiačy adterminovak, bolšuju častku ź jakich - kala 84% - składajuć adterminoŭki dla praciahu adukacyi. Akramia taho, dadzieny adterminoŭki hramadzianam pa stanie zdaroŭja, dla prachodžańnia internatury, pa siamiejnym stanoviščy i na padstavie ŭkaza prezidenta.
Adpraŭka novaha papaŭnieńnia ŭ vojski praciahniecca da 29 listapada. Vajennuju prysiahu navabrancy prymuć 14 śniežnia.