Alaksandr Łukašenka na aŭstryjska-biełaruskim biznes-forumie vykazaŭ mierkavańnie, što praces ličbavizacyi źjaŭlajecca pracesam, što sychodzić, a rozum ludziej usio bolš zachoplivaje śfiera štučnaha intelektu. Z hetaj tematykaj Łukašenka ŭ tym liku mieŭ mahčymaść aznajomicca padčas niadaŭniaha vizitu ŭ AAE. Hetaja kraina, padzialiŭsia jon, inviestuje kałasalnyja srodki ŭ hety kirunak, źbiraje ŭ siabie najlepšych navukoŭcaŭ.
«Ja pabyvaŭ u takoj łabaratoryi i zrazumieŭ, što my darma nadzimali ščoki. Jakaja ličbavizacyja? Štučny intelekt! Jany nam užo prapanujuć pasłuhi. Dumaju, i vam jany mnohaje mohuć raskazać», — ličyć Łukašenka.
Razam z tym jaho naściarožyŭ toj fakt, što navat sami raspracoŭščyki nie viedajuć, da čaho moža ŭ pierśpiektyvie pryvieści raźvićcio śfiery štučnaha intelektu.
Na prykładzie śfiery vysokich technałohij Alaksandr Łukašenka adznačyŭ, što biznes užo nie maje miežaŭ.
