Prezident Aŭstryi Alaksandr Van der Belen paćviardžaje cikavaść svajoj krainy da raźvićcia supracoŭnictva ź Biełaruśsiu. Pra heta jon zajaviŭ siońnia pa vynikach pieramovaŭ z Alaksandram Łukašenkam, pieradaje BiełTA.
Prezident adznačyŭ, što na pieramovach u vuzkim i pašyranym składach byŭ abmierkavany šerah tem. U ich liku pytańni handlova-ekanamičnaha supracoŭnictva, palityčnaha ŭzajemadziejańnia, zachavańnia ahulnaj histaryčnaj pamiaci, tematyki pravoŭ čałavieka.
Alaksandr Van der Belen kanstatavaŭ peŭnaje zbližeńnie pamiž Biełaruśsiu i Jeŭrasajuzam, i vizit biełaruskaha kiraŭnika źjaŭlajecca častkaj hetaha pracesu. «Dla mianie asabista vaš vizit u Vienu asabliva važny. Pierš za ŭsio paśla majho ŭłasnaha vizitu ŭ Biełaruś u 2018 hodzie pry adkryćci miemaryjała ŭ Małym Traściancy», — skazaŭ jon. Jon adznačyŭ, što mnohija aŭstryjcy pakul mała viedajuć pra hetaje miesca pamiaci ŭ paraŭnańni ź inšymi bujnymi kancentracyjnymi łahierami, jakija dziejničali na terytoryi Jeŭropy ŭ hady vajny.
Fiederalny prezident zakranuŭ i temu handlova-ekanamičnaha supracoŭnictva ź Biełaruśsiu, padkreśliŭšy, što dla Aŭstryi važna jaho pašyreńnie. «I vaš vizit budzie važnym momantam u pahłybleńni hetych adnosin. ES taksama supracoŭničaje ź Biełaruśsiu ŭ ramkach «Uschodniaha partniorstva». Jano taksama zasłuhoŭvaje pahłybleńnia», — zajaviŭ aŭstryjski lidar.
Jon źviarnuŭ uvahu na jaje ŭkład u ŭrehulavańnie kanfliktu ŭ Ukrainie, pradastaŭleńnie placoŭki dla pieramovaŭ bakoŭ. Adkazvajučy na pytańni žurnalistaŭ, Alaksandr Van der Belen padkreśliŭ, što minskija pahadnieńni prakłali darohu, pa jakoj možna znajści šlach da vyrašeńnia situacyi.
«My cenim vaš intares da pahłybleńnia adnosin i chacieli b skazać, što heta ŭzajemna. My budziem zastavacca ŭ kantakcie. I heta budzie nie apošni vizit u Aŭstryju i Biełaruś», — skazaŭ na zakančeńnie Alaksandr Van der Belen.
