Alaksandr Łukašenka 12 listapada ŭ Vienie pravioŭ aficyjnyja pieramovy ź fiederalnym prezidentam Aŭstryi Alaksandram Van der Bielenam. Sustreča prajšła ŭ vuzkim i pašyranym farmatach. Pra jaje vyniki kiraŭnik biełaruskaj dziaržavy razam sa svaim aŭstryjskim kaleham raspavioŭ pradstaŭnikam ŚMI, piša BiełTA
Łukašenka padziakavaŭ Alaksandru Van der Belenu za ciopły pryjom i adkrytuju, źmiastoŭnuju razmovu. «Aŭstryja — najvažniejšy i nadziejny partnior Biełarusi ŭ našaj ahulnaj Jeŭropie. My nadajom vialikaje značeńnie raźvićciu ŭzajemavyhadnaha supracoŭnictva i ŭ poŭnaj miery zadavoleny pazityŭnaj dynamikaj biełaruska-aŭstryjskich adnosin», — zajaviŭ Alaksandr Łukašenka.
Pavodle słoŭ biełaruskaha kiraŭnika, pieramovy znoŭ prademanstravali, što padychody krain pa asnoŭnych prablemach dosyć blizkija. «Nam cikavy aŭstryjski vopyt u mnohich śfierach, jaki całkam moža być vykarystany i ŭ dačynieńni ŭ Biełarusi», — skazaŭ jon.
Biełaruski bok vysoka cenić namahańni Vieny, nakiravanyja na naviadzieńnie mastoŭ pamiž asnoŭnymi hieapalityčnymi centrami, źnižeńnie napružanaści ŭ Jeŭropie i śviecie. Minsk stavić takija ž mety ŭ svajoj źniešniepalityčnaj dziejnaści. «Kanstatujem, što razam zdolnyja ŭnieści važki ŭkład u adnaŭleńnie stabilnaści i ŭmacavańnie mižnarodnaj biaśpieki. Biełaruś budzie ŭdziačna aŭstryjskamu kiraŭnictvu za padtrymku našych inicyjatyŭ u hetym kirunku», — zajaviŭ Alaksandr Łukašenka.
Alaksandr Łukašenka adznačyŭ padtrymku Aŭstryjaj namahańniaŭ biełaruskaha boku pa raźvićci adnosin ź Jeŭrasajuzam, jaki źjaŭlajecca dla Biełarusi druhim pa značnaści handlovym partnioram.
«A ŭ apošni čas, u tym liku dziakujučy aktyŭnaj pracy aŭstryjskaha staršynstva ŭ 2018 hodzie, ES stanovicca dla nas taksama važkim palityčnym i inviestycyjnym partnioram. Tolki za apošnija dva hady abjom finansavaj padtrymki Jeŭrapiejskim inviestycyjnym bankam i Jeŭrapiejskim bankam rekanstrukcyi i raźvićcia prajektaŭ u biełaruskim dziaržsiektary dasiahnuŭ 700 młn jeŭra», - skazaŭ jon.
Biełaruś aktyŭna pracuje ź ES u ramkach šmatlikich prahram u śfierach ekałohii, enierhaefiektyŭnaści, ŭładkavańnia miežaŭ, rehulavańnia mihracyi, padtrymki dziaržkiravańnia. «U hetym hodzie Biełaruś ź Jeŭrasajuzam zaćvierdzili prajekty pahadnieńniaŭ pa spraščeńni vydačy viz i ab readmisii. Spadziajemsia padpisać ich u najbližejšy čas», — zajaviŭ kiraŭnik dziaržavy.
