Amal try dziasiatki čałaviek byli zatrymanyja ŭ Tbilisi i Batumi na akcyjach pratestu suprać pakazu francuska-švedzka-hruzinskaha filma «A potym my tančyli», piša «Radyjo Svaboda». A 8 listapada film «A potym my tančyli» atrymaŭ na Mienskim mižnarodnym kinafestyvali «Listapad» pryz za najlepšuju mužčynskuju rolu, jakuju vykanaŭ Levan Hiełbachijani. I byŭ adnym z favarytaŭ hladackaha hałasavańnia.
Pretesty kala Amirani Cinema ŭ Tbilisi 8 listapada
U hruzinskich kinateatrach upieršyniu pakazali našumieły film švedzkaha režysera hruzinskaha pachodžańnia Levana Akina.
Natoŭp kala kinateatru ŭ Tbilisi
Stužka pryśviečana historyi kachańnia dvuch hruzinskich tancoraŭ — vykanaŭcaŭ nacyjanalnych tancaŭ.
Jon vyłučany na «Oskara» i atrymlivaje mižnarodnyja ŭznaharody na festyvalach, ale ŭ Hruzii, dzie razhortvajecca siužet filma, premjera vyklikała abureńnie kanservatyŭna nastrojenaj častki nasielnictva i prachodziła ŭ ačapleńni palicyi, paviedamlaje VVS.
«Merab ź junactva zajmaŭsia ŭ Nacyjanalnym hruzinskim ansambli sa svajoj partnerkaj pa tancach Mary. Jaho śviet pieravaročvajecca z noh na hałavu sa źjaŭleńniem charyzmatyčnaha i biesturbotnaha Iraklija, jaki stanovicca jaho najmacniejšym kankurentam i jaho žadańniem. U hetaj kanservatyŭnaj abstanoŭcy Merab razumieje, što jamu treba stać volnym, i ryzykuje ŭsim », — havorycca ŭ anatacyi filma.
Film sumiesnaj vytvorčaści Hruzii, Švecyi i Francyi ŭpieršyniu byŭ pakazany ŭ traŭni ŭ prahramie «Dvuchtydniovika režyseraŭ» — niezaležnaj sekcyi Kanskaha kinafestyvalu. Z tych časoŭ film atrymaŭ niamała pazytyŭnych vodhukaŭ.
Vykanaŭca adnoj z hałoŭnych rolaŭ Levan Hiełbachijani atrymaŭ uznaharody jak lepšy aktor na sarajeŭskim kinafestyvali, na kinafestyvalach u Valjadolicy, Adesie.
A 8 listapada film «A potym my tančyli» atrymaŭ na Mienskim mižnarodnym kinafestyvali «Listapad» pryz za najlepšuju mužčynskuju rolu, jakuju vykanaŭ Levan Hiełbachijani. I byŭ adnym z favarytaŭ hladackaha hałasavańnia.
