Hurt VOLSKI prezientavaŭ klip na pieśniu «Zima» z alboma «Hravitacyja» (2019).
«Ja viedaŭ papiarednija raboty Śviatłany Kazłoŭskaj, ale klip na hetuju pieśniu staŭsia dla mianie niečakanaściu. Jana stvaryła vielmi kankretnyja j dakładnyja vobrazy. Toje, što adlustravana ŭ klipie +- jak ni dziŭna, našaje zvykłaje tło dla žyćcia, toje, što my navučylisia staranna nie zaŭvažać. Heta sapraŭdnaja zima ŭ «krainie śvietłaha zaŭtra», zima, jakaja raściahnułasia na dziesiacihodździ».
Sama režysior kaža pra klip tak:
«Znajomaja horyč zimy ŭ krainie, dzie viasna nie nadychodzić užo dvaccać piać hadoŭ. Usio mienš dziejničajem, mienš havorym, mienš spračajemsia - strašna hublać reštu ciapła dy rozumu. Zasvoili, što Dzied Maroz nia sydzie, «vy sami ŭsio razumiejecie», dy pasłuchmiana vodzim karahody. Ale hadujucca dzieci, pačynajuć spadziavacca - vyšturchnucca za miažu, nie paškodzicca, nie prasiaknucca, nie hladzieć u vočy biazdomnym ludziam dy sabakam, nie lustravać našuju pryhniečanaść, soram i kryŭdu. Sami taksama - bokam, chutčej da batarejaŭ, słuchać Volskaha dy pryhadvać Vivaldzi pra inšyja časy hodu. Niejak dazimujem».
Užo zaŭtra hurt VOLSKI startuje z turavaj prahramaj pa biełaruskich haradach. Raspačniecca jon kancertam u Mahilovie (2.11).