Dźvie vychavacielki dziciačaha sadka «Kazka» ŭ rasijskim Narjan-Mary sprabavali pieraškodzić zabojcu šaścihadovaha dziciaci. Pra heta paviedamlaje vydańnie Baza.
Adznačajecca, što žančyny zaŭvažyli kala ŭvachodu ŭ spalniu Dzianisa Paździejeva z nažom i chacieli pieraškodzić jamu zajści da vychavancaŭ sadka, adnak jon adšturchnuŭ ich. Tady vychavacielki adpravilisia pa dapamohu da achoŭnika, a kali viarnulisia, mužčyna ŭžo paraniŭ chłopčyka.
Raniej, 1 listapada, śledčyja zatrymali achoŭnika dziciačaha sada, jaki prapuściŭ u budynak Paździejeva. Pa dadzienych SKR, supracoŭnik achoŭnaha pradpryjemstva «Śviatahor» pavinien byŭ harantavać biaśpieku terytoryi dziciačaha sadka. Ale, kali Paździejeŭ pazvaniŭ u damafon, achoŭnik adrazu ž adkryŭ jamu dźviery, pryniaŭšy za adnaho z baćkoŭ.
Napad na dziciačy sad u Narjan-Mary adbyŭsia 31 kastryčnika. Dzianis Paździejeŭ uvajšoŭ u budynak padčas cichaj hadziny i ŭdaryŭ nažom šaścihadovaha chłopčyka, jaki pamior na miescy. Viadoma, što zabojca dziciaci znachodziŭsia na ŭliku ŭ narkołaha.
U chodzie dopytu Paździejeŭ zajaviŭ, što napaŭ na dzicia, bo pračytaŭ «zaklikańnie» ŭ knizie, vykanańnie jakoha abiacała b jamu «viečnaje i bahataje žyćcio», paviedamlaje lenta.ru
