Na płatformie Facebook było sabrana $3349.
Na płatformie Mołamoła było sabrana 617rubloŭ, ci $308.
Pryvatna było achviaravana najaŭnymi $250.
Paŭhady ŭ mianie lažała 1000$, achviaravanaja adnym patryjotam jašče da kryžałomu. Tady hetyja srodki mielisia pajści na ŭstaloŭku novych kryžoŭ, ale pakolki ciapier heta niemahčyma, to jany byli nakiravanyja na prajekty «Nočy».
Takim čynam, razam my mieli $4907. Ź ich było vydatkavana:
— 629 — padatki.
— 110 — płakaty farmatu A1, A2, A3, A4 (ahułam 80 št).
— 130 — fłajery A6 (4 tys.).
— 300 — rekłama ŭ sacyjalnych sietkach.
— 200 — častkovaja kampiensacyja drukavanaj pradukcyi na mastacki pierformans.
— 881 — buklety pra «Noč paetaŭ» (7 tys.), pra Kurapaty (3 tys. biełaruskamoŭnych i 1 tys. anhłamoŭnych = 4 tys.).
— 722 — techničnaje azdableńnie «Nočy» (aparatura, padśvietka i inš).
— 150 — zapis treka.
— 200 — tenty, jaki mielisia naciahvać nad placoŭkaju ŭ vypadku daždžu. Sioleta nie spatrebilisia, ale mohuć spatrebicca ŭ nastupnyja hady.
— 35 — šylda ź imiom Vasila Kavala, rasstralanaha ŭ noč z 29 na 30 kastryčnika 1937.
— 500 — na prajekt.
— 1000 — dysk «Noč rasstralanych paetaŭ», jaki budzie vydadzieny pad kiraŭnictvam kampazitara, byłoha ŭdzielnika hurta «Pieśniary» Alaksandra Visłaŭskaha. Albom rychtujecca da mierapryjemstvaŭ «Nočy» nastupnaha hoda.
— 50 — padtrymka na bieskaštoŭnyja ekskursii Valeryi Čarnamorcavaj pa temie Kurapataŭ.
Ahułam vydatkavana: $4907.
Siabry, vialiki dziakuj usim patryjotam, jakija achviaravali časam, siłami i srodkami, kab uzhadać razam tuju čornuju noč našaj historyi, kali ŭ honar 19 hadaviny Leninskaha kamsamołu moładzi kamunisty rasstralali bolš za 100 pradstaŭnikoŭ intelihiencyi Biełarusi: litarataraŭ, hramadskich dziejačaŭ. Patryjoty, jakija achviaravali saboju dziela Biełarusi, vartyja našaj pamiaci i našaj pracy. Dziakuj usim za padtrymku i ŭdzieł, za tuju vieru ŭ pieramohu Śviatła nad Ciemraju, jakoju napaŭniajemsia my ŭ #Nočpaetaŭ.
Žyvie Biełaruś!
