Terminy praviadzieńnia Vyšejšaha dziaržaŭnaha savieta Sajuznaj dziaržavy jašče nie vyznačany. Pra heta paviedamiŭ siońnia žurnalistam dziaržaŭny sakratar Sajuznaj dziaržavy Ryhor Rapota, pieradaje BIEŁTA.
Chutčej za ŭsio, heta budzie vyznačacca paśla praviadzieńnia Savieta ministraŭ Sajuznaj dziaržavy, patłumačyŭ Ryhor Rapota.
Pavodle słoŭ dziaržsakratara, treba budzie razhledzieć biudžet Sajuznaj dziaržavy na 2020 hod na pasiadžeńniach Savieta Ministraŭ i Parłamienckaha schodu SD. Abodva mierapryjemstvy płanujecca pravieści ŭ listapadzie. Miarkujecca, što dalej biudžet pojdzie na zaćviardžeńnie Vyšejšaha dziaržsavieta. «Kali ŭ hetym hodzie nie ŭdasca jaho pravieści, to my paprosim našych prezidentaŭ u rabočym paradku padpisać biudžet z tym, kab my ź pieršaha studzienia mahli pracavać», - skazaŭ Ryhor Rapota.
