Ab hetym zajaviŭ siońnia na pres-kanfierencyi dyrektar Departamienta pa avijacyi Ministerstva transpartu i kamunikacyj Arciom Sikorski, pieradaje BIEŁTA.
U hetym hodzie spaŭniajecca 45 hadoŭ Biełaruskaj dziaržaŭnaj akademii avijacyi. Da hetaha jubileju Ministerstva adukacyi paćvierdziła adkryćcio śpiecyjalnaści pa padrychtoŭcy piłotaŭ. «My rychtujem nieabchodnyja dakumienty, zvarot na imia kiraŭnika dziaržavy, kab jon padtrymaŭ padychody, raspracavanyja Departamientam pa avijacyi, akademijaj pa avijacyi, avijacyjnymi arhanizacyjami, i my adkryli svaju škołu padrychtoŭki piłotaŭ», - skazaŭ Arciom Sikorski.
Raniej, pavodle jaho słoŭ, u Biełarusi kamiercyjnych piłotaŭ nie rychtavali, jany prachodzili padrychtoŭku ŭ Rasijskaj Fiederacyi, Ukrainie, krainach Bałtyi. «Ciapier my chočam stvaryć svaju, nacyjanalnuju, škołu, tamu što apošnim časam hramadzianskaja avijacyja znachodzicca ŭ avanhardzie, aktyŭna raźvivajecca i deficyt lotnych kadraŭ. Jon isnuje ŭ śviecie i ŭžo stanovicca aktualnym dla nas, tamu padrychtoŭka piłotaŭ dla nas budzie ŭ pryjarytecie», - padkreśliŭ dyrektar departamienta Mintransa
