Zoo Poznan
Dzieviać tyhraŭ, jakija tydzień prastajali ŭ hruzaviku na polska-biełaruskaj miažy, narešcie patrapili ŭ zaapark u Poznani, piša Radyjo Svaboda.
«Chudyja, abiazvodžanyja, z upałymi vačyma, poŭść ableplenaja sparažnieńniami, prełaść ad mačy, u tatalnym stresie, biez voli i achvoty da žyćcia», — hetak stan tyhraŭ adrazu paśla ich pierajezdu z-pad polska-biełaruskaj miažy ŭ Poznań apisali na aficyjnaj staroncy poznańskaha zaaparku ŭ fejsbuku.
Paźniej staronka paviedamiła, što rabotniki zaaparku praciahvajuć razhružać tyhraŭ, niahledziačy na ahresiŭnyja pavodziny niekatorych ź ich
24 kastryčnika na prapusknym punkcie Karoščyn z polskaha boku polska-biełaruskaj miažy źjaviŭsia hruzavik ź dziesiaćciu tyhrami ŭ kletkach, jaki kiravaŭsia ź Italii ŭ Rasiju. U Biełaruś tyhraŭ nie ŭpuścili praz adsutnaść nieabchodnych vieterynarnych siertyfikataŭ. Adzin z tyhraŭ pamior, nie vytrymaŭšy ciažkaściaŭ padarožža. Źviaroŭ vyrašyli ŭziać rabotniki zaaparku ŭ Poznani.
