Za tydzień ustanovy minskaj vulicy Kastryčnickaj vykidajuć bolš za 20 000 płastykavych butelek. Hety abjom ledź udałosia źmiaścić u retra-aŭtobus, jaki 31 kastryčnika pryparkavaŭsia ŭ kancy tusovačnaj vulicy. Tam ža abstalavali prypynak «Tupik» (vuł. Kastryčnickaja). Nazva maje jak litaralny, tak i vobrazny sens.
«Tupik — kirunak, kudy my ruchajemsia praz svaju biezadkaznaść i nieasensavanaje spažyvańnie adnarazovaha płastyku, — kamientuje Natalla Hryncevič, dyrektar dziaržaŭnaj ustanovy «Apieratar druhasnych materyjalnych resursaŭ». Tolki ŭjavicie, kali adna mienskaja vulica za niekalki dzion pradukuje ceły aŭtobus płastyku, to što adbyvajecca va ŭsioj stalicy, krainie, śviecie. Kožny hod biełarusy vykidajuć bolš za miljard PET-butelek!»
Za 20 000 PET-butelek — hetaja ličba stała nahladnaj dziakujučy ŭstanovie «Apieratar druhasnych materyjalnych resursaŭ» i ruchu «Meta 99». Inicyjatary akcyi ŭžo pačali transfarmavać Kastryčnickuju ŭ plastic-free terytoryju. Kab pamienšyć spažyvańnie płastyku, kožny nieabyjakavy čałaviek moža abrać z 3-ch varyjantaŭ dziejańniaŭ najbolš zručny dla siabie:
- Nasić šmatrazovuju butelku / kubak;
- Kuplać napoi ŭ bolš ekałahičnaj šklanoj tary;
- Zdavać vykarystany płastyk na pierapracoŭku.
U najbližejšyja dni inicyjatary prajekta pastaviać kantejniery dla zboru druhasnych resursaŭ kala ustanoŭ, a taksama padorać śpiecyjalnyja jomistaści dla zboru adchodaŭ škła, papiery i płastyku ofisam, jakija žadajuć dałučycca da akcyi. Bary Kastryčnickaj dałučacca da ekatrendu i buduć prapanoŭvać haściam «pić za zdaroŭje płaniety», matyvujučy zamaŭlać napoi ŭ šklanym posudzie.
