U novym «Dziejasłovie», što dniami pabačyŭ śviet, — cełaje sukviećcie značnych i znakavych dla biełaruskaj litaratury aŭtaraŭ. Tolki pieralik niekatorych ź ich dazvalaje kazać pra 102-hi numar jak uzorna-«zorny». Miarkujcie sami: Valancin Akudovič, Uładzimier Arłoŭ, Alena Brava, Valery Hapiejeŭ, Adam Hłobus, Vasil Žukovič, Aleś Razanaŭ, Siarhiej Rubleŭski, Andrej Chadanovič, Antanina Chatenka, Viktar Jarac…
U prazaičnaj častcy, napeŭna, najbolšaj uvahi zasłuhoŭvaje raman Andreja Fiedarenki «Žeton na mietro» (druhaja častka tvora maje vyjści ŭ nastupnym numary «Dziejasłova»).
Z hałoŭnych cikavostak archiŭnaj častki numara — publikacyja ananimnaj paemy XIX st. Jak piša ŭ hruntoŭnaj pradmovie Jury Paciupa, «paema «Čortava siła» viadomaja daŭno i nie raz była znojdzienaja, a potym nie raz zabytaja znoŭ, tolki voś nivodnaha razu joj nie paščaściła (kali nie ličyć niekalkich uryŭkaŭ) patrapić u druk». Ździejśniłasia heta dziakujučy vysiłkam Juryja Paciupy i Viačasłava Martysiuka, a taksama — Taciany Ziamskovaj, jakaja paspryjała ŭ kapijavańni paemy praz Ruskaje hieahrafičnaje tavarystva.
Paezija
Uładzimier Arłoŭ. Ćviŭ skrypień. Bałada.
Vasil Žukovič. Bieły himn. Vieršy.
Viktar Jarac. Imia na kryłach. Vieršy.
Andrej Chadanovič. Škoła travy. Vieršy.
Antanina Chatenka. Naroschryst. Vieršy.
Proza
Andrej Fiedarenka. Žeton na mietro. Raman. (Pačatak.)
Alena Brava. Karyjatyda ŭ macicovych klipsach. Apaviadańnie.
Valery Hapiejeŭ. I chaj nichto nie pojdzie pakryŭdžanym, abo Hrak i Moncia Chryścik. Čytvo. (Frahmient.)
Siarhiej Rubleŭski. Chlust najezny. Apaviadańnie.
Debiut
Darja Značonak. U noč na siamnaccataha lipienia. Apaviadańnie.
Pierakłady
Hieorh Hajm. Marafon. Vieršy. Pierakład Hanny Jankuta.
Vytoki
Łaŭrenci Zizanij. Jak ryba chvastom nadaje svajmu ciełu ruch.
Kazańnie na pachavańni Zofji, kniahini Čartaryjskaj. Pierastvareńnie Alesia Razanava.
Jury Paciupa. Jašče adna ananimnaja paema.
Słovy
Chto ž jon, Anatol Sys?
Hutarka Alesia Lipaja i Anatola Sysa.
Zhadki
Valancin Akudovič.
«Krynica» i «Krynica». Z novaj knihi «Treba ŭjavić Sizifa ščaślivym.
(Chroniki biełaruskaha intelektuała)«. (Praciah).
Mastactva
Adam Hłobus. Pikasa. Słovy pra najlepšaha z mastakoŭ.
Knihapis
Alaksiej Piatkievič. Słova pra paeta. Recenzija na knihu «Jak viartali «Spadčynu»».
Zina Himpielevič. Los nie spynić. Recenzija na knihu Jurasia Šamiećki «Niepradkazalnaje».
Leanid Hałubovič. Miera śvietłaha ščyraha słova. Recenzija na knihu vybranaha Uładzimira Maroza.
Dziejapis
Novyja vydańni na knižnych palicach «Dziejasłova».
U afarmleńni vokładki skarystanyja płakaty Siarhieja Sarkisava.
Šukajcie niezaležny litaraturna-mastacki časopis «Dziejasłoŭ» u mienskich kniharniach:
«Akademkniha» (pr. Niezaležnaści, 72)
«Lohvinau» (vuł. Karala, 22)
«Halijafy» (vuł. Niamiha, 3)
«Knižnaja šafa» (pr. Dziaržynskaha, 9),
a taksama — u internet-kramie knihi.by.
