president.gov.by
Adkazvajučy na pytańni žurnalistaŭ padčas naviedvańnia RNPC ankałohii i miedycynskaj radyjałohii, Alaksandr Łukašenka zakranuŭ i dačynieńni z krainami Blizkaha Uschodu.
Jon padkreśliŭ, što asabliva z AAE ŭdałosia vybudavać dobryja adnosiny, niadaŭna Biełaruś ź vizitam naviedvaŭ naśledny prync Abu-Dabi. «My ź im sustrakalisia, ab usim damovilisia», — adznačyŭ kiraŭnik dziaržavy.
Alaksandr Łukašenka, u pryvatnaści, raspavioŭ ab prapanovie kiraŭnictva AAE inviestavać u sielskuju haspadarku Biełarusi i arhanizavać zakupki pradukcyi. «Jany hatovy ŭ nas inviestavać, pašyrać svaju prysutnaść. Treba heta zamacoŭvać», — skazaŭ jon
Łukašenka dadaŭ, što pajezdka na Blizki Uschod taksama stanie dla jaho mahčymaściu na niekalki dzion adyści ad paŭsiadzionnaha žyćcia.
«Chacia b try dni mnie zaadno tam nohi abmaknuć u hety zaliŭ, — skazaŭ Alaksandr Łukašenka. — Adpačynak nie atrymajecca. U prezidenta niama namieśnikaŭ».
«Chaciełasia b pabyvać u adpačynku, jak usie. Paŭnavartasny adpačynak — choć by dva tydni. Ale heta ŭžo potym, u tym žyćci», — dadaŭ Alaksandr Łukašenka.