Homiel u kancy kastryčnika atrymaŭ u biazvypłatnaje karystańnie 4 viełastanki. Heta stancyi ź instrumientami dla samastojnaha absłuhoŭvańnia i ramontu rovara. Dla zručnaści viełasipiedystaŭ jany byli ŭstalavanyja ŭ roznych rajonach horada ŭ hramadskich miescach.
Jak stała viadoma ČP Homiel, praz dva dni paśla ŭstanoŭki — z dvuch viełastankoŭ źnikli nabory instrumientaŭ, a mienavita mulcituł z šaścihrańnikam. Adbyłosia heta 26 kastryčnika ŭ punkcie kala kinateatra «Mir» i «Kastryčnik». Usie pryłady byli zamacavany śpiecyjalnym łancuhom.
Adnak byli apublikavanyja kadry videanazirańnia kamiery, što znachodzicca ŭ miescy viełastanka. Na kadrach bačna, što mulcituł čyrvonaha koleru zamacavany łancuhom i visić na stanku. Da jaho padjazdžaje małady chłopiec u šlemie i viełaformie z nadpisam «Biełaruś». Jon vielmi doŭha praviaraje svoj rovar, a zatym azirajecca, biare prymacavany łancuhom mulcituł i adkručvaje jaho. U jaho z ruk vypadajuć hajki, jon ich źbiraje i kładzie razam z naboram klučoŭ sabie ŭ zaplečnik.
Siońnia małady čałaviek sustreŭsia z pradstaŭnikami TAA «ViełaHomiel» i prynios svaje prabačeńni, pišuć «Silnyje novosti».
