U Biełarusi narešcie pakažuć film Alaksieja Pałujana «Voziera radaści», źniaty pavodle adnajmiennaha biestsielera Viktara Marcinoviča. Da premjery «Akademkniha» prapanuje knihi Viktara Marcinoviča možna nabyć u kniharni.
Voziera Radaści
Historyja staleńnia dziaŭčyny Jasi, apisanaja Viktaram Marcinovičam, padkuplaje spałučeńniem prostaj čałaviečaj spahady hieraini ramana i žorstkaha, ćviarozaha pohladu na realnaść, u jakuju joj davodzicca zanurycca.
Dziejańnie razhortvajecca ŭ Minsku, Maskvie, Vilni, u elitnym pasiołku i zaštatnym rajonnym haradku. Prablemy navalvajucca, zdajecca, usio suprać Jasi — i rodny baćka, i dziaržava, i siabry… Ale jana vystaić, spravicca. Bo ź dziacinstva zapomnić urok ci to miesiacavaj hieahrafii, ci to žyćciovaj mudraści: kab dabracca da Voziera Radaści, treba sieści ŭ čovien i płyści — dalej ad Voziera Snoŭ i Mora Spakoju…
Sfahnum
Troje maładych złačyncaŭ zabivajuć saŭdzielnika i hublajuć čužyja hrošy, jakija ciapier daviadziecca viartać luboj canoj. Jany vyrašajuć zalehčy na dno ŭ maleńkaj vioscy, ratujučysia adnačasova ad kredytoraŭ i kryminalnaha vyšuku. I ŭsio pajšło b pavodle zadumy, kali b nie źniešnie paŭmiortvaja biełaruskaja vieska ź jaje nieŭmiručaj pahanskaj mistykaj, jakaja padkazvaje niečakanaje raźviazańnie prablemy. Hieroi za paŭkroku ad ščaślivaha finału, ale ci nie zarana hladzieć u nieba, kali pad nahami — bahna.
Mova
Minsk, 4741 hod pa kitajskim kalendary. Časy Smutku skončylisia, nadyšła era ŭzvyšeńnia Sajuznaj dziaržavy Kitaja i Rasii, bieskłapotnych uciechaŭ, šopinh-relihii i cold sex'u. Adnak isnuje Niešta, čaho ŭ hetym hramadstvie sucelnaha dabrabytu nie staje jak vady i pavietra. Sientymientalny kantrabandyst Siaroža pad stracham śmiarotnaha pakarańnia ŭvozić kaštoŭny skarb z-za miažy i apynajecca pad pilnym kantrolem minskaha padpolla, uznačalenaha kitajskaj mafijaj pad kiraŭnictvam tajamničaj Ciotki. Razam jany sprabujuć złamać sistemu, u jakoj dabro i zło, aśvietniki i złačyncy, kachańnie i spažyvańnie, viernaść i zdrada pamianialisia miescami.
Ci možacie vy ŭjavić Biełaruś bieź Biełarusi? Hety raman — strašny son pra budučyniu, praduchilić jakuju možna tolki ŭ łučnaści z tym skarbam, vakoł jakoha i raspačynajecca dziejańnie hetaha linhvistyčnaha bajevika.
Noč
«Noč» — heta i antyŭtopija, i raman-traviełoh, i roman-hulnia. Śviet zanuryŭsia ŭ biaskoncuju chałodnuju noč. U volnym horadzie Hrušaŭka vada pa raskładzie, adzinaja hazieta «Hazieta» pierapisvajecca pad kapirku i nie pracuje kompas. Hałoŭny hieroj Knižnik — uładalnik adzinaj u horadzie biblijateki i apošniaha sabaki. Uziaŭšy mapu novaha śvietu i tom Hieradota, Knižnik vypraŭlajecca na pošuki kachanaj žančyny, jakaja ŭ momant błekaŭtu apynułasia ŭ Niepale…
«Noč» u kniharni jość pa-biełarusku i ŭ aŭtarskim pierakładzie.
Viktar Marcinovič — prazaik, mastactvaznaŭca (dysiertacyja pa viciebskim avanhardzie i tvorčaści Marka Šahała); vykładaje ŭ Jeŭrapiejskim humanitarnym univiersitecie ŭ Vilni. Aŭtar ramanaŭ «Paranoja», «Sfahnum», «Mova», «Ściudziony vyraj», «Voziera radaści», «Noč».
Nabyć hetyja knihi dy inšyja novyja vydańni i biestsielery možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648