Realizacyja inviestycyi dazvolić uzmacnić enierhietyčnuju biaśpieku Polščy i rehijonu Centralnaj i Uschodniaj Jeŭropy, paviedamlaje Polskaje radyjo.
Dacki ministr pa pytańniach klimatu, enierhietyki i pastavak uchvaliŭ budaŭnictva marskoha ŭčastka hazapravoda Baltic Pipe, paviedamiła Dackaje ahienctva pa enierhietycy.
«Ministr klimatu, enierhietyki i pastavak siońnia vydaŭ dazvoły kampanii Energinet na budaŭnictva ŭčastka trubapravoda, jaki prachodzić pa kantynientalnym šelfie Paŭnočnaha mora i praz praliŭ Mały Bielt, a taksama dazvoły dla kampanii Gaz —System na budaŭnictva ŭčastka, jaki prachodzić uzdoŭž kantynientalnaha šelfa Bałtyjskaha mora», - havorycca ŭ paviedamleńni.
Dziennik Gazeta Prawna nahadvaje, što Baltic Pipe - heta stratehičny prajekt, realizavany ŭ Polščy kampanijaj Gaz-System, a ŭ Danii - kampanijaj Energinet. Jaho meta - stvareńnie novaha šlachu dla pastavak pryrodnaha hazu z Narviehii na rynki Danii, Polščy i susiednich krain.
Realizacyja hetaj inviestycyi dazvolić uzmacnić enierhietyčnuju biaśpieku Polščy i rehijonu Centralnaj i Uschodniaj Jeŭropy dy paspryjaje pavyšeńniu kankurentazdolnaści polskaha rynku hazu.
Hazapravod zmoža pastaŭlać 10 młrd kubičnych mietraŭ hazu ŭ hod u Polšču i 3 młrd kubičnych mietraŭ paliva z Polščy ŭ Daniju. Mierkavany etap budaŭničych rabot pačniecca ŭ 2020 hodzie. Pastaŭki pryrodnaha hazu z radoviščaŭ na narviežskim kantynientalnym šelfie pavinny być mahčymymi z kastryčnika 2022 hoda.
Apieratar pa pieradačy hazu Gaz-System źjaŭlajecca stratehičnaj kampanijaj dla polskaj ekanomiki. Jana adkazvaje za pieradaču pryrodnaha hazu i administruje najvažniejšymi hazapravodami ŭ Polščy, paviedamlaje Dziennik Gazeta Prawna.
