Deputatka Pałaty pradstaŭnikoŭ, staršynia Tavarystva biełaruskaj movy Alena Anisim nie była zarehistravanaja ŭ jakaści kandydata na parłamienckija vybary pa Staŭbcoŭskaj akruzie. U čym pryčyna admovy? Pra heta my spytalisia ŭ spadaryni Aleny.
«Admovili praz drobnyja techničnyja momanty, — raskazała «Našaj Nivie» Alena Anisim. — My mahli źbirać podpisy tolki ŭ Staŭbcoŭskim rajonie, ale ŭ padpisnych listach niekatoryja zborščyki nie ŭkazvali Staŭbcoŭski rajon, chacia tam byli paznačanyja i vioska, i nazva vulicy. Ja dumaju, što heta zroblena dla taho, kab pakazać, jakija dobryja śpiecyjalisty pracujuć u vybarčych kamisijach, jak dakładna jany viedajuć zakanadaŭstva, jak detalna raźbirajuć listy».
Anisim nie vieŕć, što kamanda admović joj u rehistracyi mahła sychodzić adniekul źvierchu. «Nie dumaju, što takoje mahčyma», — skazała jana. Ciaham troch dzion Anisim płanuje abskardzić hetaje rašeńnie.
