Lidskaja akružnaja kamisija №55 apublikavała dadzienyja pretendentaŭ, jakija padali dakumienty na rehistracyju ŭ jakaści kandydata na parłamienckija vybary. Niečakana ŭ śpisie akazaŭsia namieśnik kiraŭnika Administracyi prezidenta Valeryj Mickievič.
Valeryj Mickievič, fota gs.by.
Absalutnaja bolšaść vyłučencaŭ ad ułady pajšli na vybary šlacham zboru podpisaŭ, u tym liku, skažam, načalnik Hienštaba Aleh Biełakonieŭ i inšyja čynoŭniki. Mickievič ža vyłučany pracoŭnym kalektyvam, što padšturchoŭvaje da vysnovy: takoje rašeńnie mahło prymacca ŭ apošni momant.
Valeryju Mickieviču 55 hadoŭ, jon sam rodam ź Lidy. Skončyŭ jurydyčny fakultet BDU. Pracavaŭ sudździoj u Zasłaŭi. Byŭ namieśnikam ministra justycyi.
U Administracyi prezidenta Mickievič pracavaŭ rekordnyja 10 hadoŭ — ad 2009. U 2016 hodzie, kali ŭ adstaŭku byli adpraŭlenyja Alaksandr Kosiniec i Kanstancin Martyniecki, navat pabyŭ vykonvajučym abaviazki kiraŭnika AP.
U Mickieviča dvoje synoŭ, adzin ź jakich pracuje barmenam. Žyvie Mickievič u Raŭbičach pad Minskam.