Alaksandr Łukašenka nakiravaŭ list z padziakaj prezidentu Ukrainy Uładzimiru Zialenskamu, piša BiełTA.
Kiraŭnik dziaržavy padziakavaŭ ukrainskamu lidaru za ciopły pryjom biełaruskaj delehacyi ŭ Žytomiry, adznačyŭšy, što praviedzienyja pieramovy na najvyšejšym uzroŭni prademanstravali salidarnaść krain u pytańniach mižnarodnaha paradku dnia i dvuchbakovaha supracoŭnictva.
Alaksandr Łukašenka vykazaŭ upeŭnienaść u paśpiachovym ažyćciaŭleńni ŭsich biełaruska-ŭkrainskich prajektaŭ u pramysłovaści, sielskaj haspadarcy, enierhietycy, transpartnaj i łahistyčnaj halinach, a taksama ŭ pašyreńni kulturnych suviaziaŭ dla ŭmacavańnia tradycyj dobrasusiedstva.
Łukašenka taksama zaprasiŭ Uładzimira Zialenskaha naviedać z aficyjnym vizitam Biełaruś u zručny dla jaho čas.
