U ZŠA aryštavali dvaich vychadcaŭ z Savieckaha Sajuza, pradprymalnikaŭ z Fłarydy Ihara Frumana i Lva Parnasa, jakija nibyta ličylisia «siabrami» amierykanskaha prezidenta Donalda Trampa i dapamahali jaho advakatu Rudzi Džulijani, piša The Wall Street Journal.
Biznesmienaŭ aryštavali pa padazreńni ŭ parušeńni pravił finansavańnia vybarčych kampanij. Abvinavačvańni pradjaŭlenyja pa artykułach pra zmovu, falsifikacyi dakumientaŭ i chłuśniu pierad vybarčaj kamisijaj. Na dumku śledstva, hrupa ŭtaiła sapraŭdnaje pachodžańnie hrošaj ad niejkaha biznesmiena z Rasii, vykarystoŭvajučy dla hetaha padstaŭnuju kampaniju. Padkreślivajecca, što Parnas i Fruman na praciahu 2018 hoda pravodzili sustrečy jak z samim prezidentam, tak i ź jaho synam i advakatam, dapamahajučy im pa roznych pytańniach, źviazanych z Ukrainaj.