Prezident Ukrainy Uładzimir Zialenski zajaviŭ, što Ukraina trymaje kurs na jeŭraintehracyju, adnak nie ŭsie krainy Jeŭropy chočuć bačyć jaje siabram błoka, pieradaje Jeŭrapiejskaja praŭda.
«Usie viedajuć, što my chočam jeŭraintehravacca, trapić u Jeŭrasajuz, być jeŭrapiejskaj krainaj. Heta rašeńnie ludziej, jakija źjaŭlajucca ŭkraincami. Heta samaje hałoŭnaje. Ja paćviardžaju i padtrymlivaju hety kurs», — skazaŭ jon.
Adnak, pa słovach Zialenskaha, zbližeńnie ź ES — heta daroha z dvuchbakovym rucham, a niekatoryja siabry błoka — suprać jeŭraintehracyi Ukrainy.
«My pavinny imknucca, my chočam. Ale my chočam, kab usie chacieli nas tam bačyć. Jość niekatoryja krainy ŭ Jeŭropie, jakija nie bačać Ukrainu i ŭ Jeŭrapiejskim sajuzie… kali idzie razmova pra NATA ci pra niešta jašče», — skazaŭ jon.
