U hetyja vychodnyja ŭ Polščy adbuducca parłamienckija vybary. Apytańni hramadskaj dumki pakazvajuć, što ŭpeŭnienuju pieramohu atrymaje kirujučaja pravakansiervatyŭnaja partyja Jarasłava Kačynskaha «Prava i spraviadlivaść». Apošniaje apytańnie, praviedzienaje pa zamovie polskaha partała Onet.pl, daje kansiervataram 44,3 pracenta.
Ź vialikim adryvam na druhim miescy idzie «Hramadzianskaja kaalicyja» — błok ź niekalkich partyj, najbujniejšaj ź jakich źjaŭlajecca pravacentrysckaja libieralna-kansiervatyŭnaja «Hramadzianskaja płatforma». U «kaalicyi» 22,7% padtrymki.
Treciaje miesca zaniała «Lavica», za jaje chočuć prahałasavać 13,8%.
U siejm taksama moža patrapić «Polskaja kaalicyja», jakaja składajecca z ahraryjaŭ i partyi Paŭła Kukiza — u ich 6,2% hałasoŭ.
9,5% apytanych jašče nie vyrašyli, za kaho buduć hałasavać.
