Prezident ZŠA Donald Tramp zajaviŭ, što Vašynhton nie kidaje kurdaŭ i budzie praciahvać akazvać im dapamohu. Adpaviednyja dopisy źjavilisia ŭ jaho tvitary, piša lenta.ru.
«My možam być u pracesie sychodu ź Siryi, ale my ni ŭ jakim razie nie pakinuli kurdaŭ, jakija źjaŭlajucca asablivymi ludźmi i vydatnymi sałdatami. Našy adnosiny z Turcyjaj, partnioram pa handli i NATA, taksama vielmi dobryja», — napisaŭ amierykanski lidar.
Tramp adznačyŭ, što niahledziačy na toje, što ŭ kurdskaj častcy Siryi zastałosia tolki 50 amierykanskich sałdat, lubyja nieabhruntavanyja abo niepatrebnyja bajavyja dziejańni z boku Turcyi buduć mieć razburalnyja nastupstvy dla ich ekanomiki i valuty. «My dapamahajem kurdam materyjalna/zbrojaj!» — padkreśliŭ prezident ZŠA.
7 kastryčnika stała viadoma, što ZŠA admovilisia padtrymlivać vajennuju apieracyju Turcyi ŭ Siryi. Amierykanskija vajskoŭcy bolš nie buduć znachodzicca pobač ź miescam praviadzieńnia apieracyi.
