Pra toje, što ŭ 2019-m u biełaruskim vojsku było try suicydy, zajaviŭ pałkoŭnik Uładzimir Makaraŭ u čas instahram-stryma sumiesna z kiraŭnikom BRSM Dźmitryjem Varaniukom.
Pavodle jahonych słovaŭ, u čas, kali jon pryjšoŭ na słužbu (bolš za 20 hod tamu), takich vypadkaŭ za hod było bolš za 40. Tamu, maŭlaŭ, pazityŭnaja dynamika vidavočnaja. A try zhadanyja vypadki, pavodle jaho, nie źviazanyja niepasredna z prachodžańniem vajennaj słužby, a nosiać asabisty charaktar.
«Ja b moh ahučyć pryčyny pa kožnym vypadku ŭ hetym hodzie, ale nie budu. Voś letaś, naprykład, 27-hadovy mužyk — nu chto moh ź jaho ździekvacca? Tam byli hihanckija daŭhi ŭ bankach, i vielmi niaprostaje siamiejnaje stanovišča», — skazaŭ Makaraŭ.
Jak viadoma «Našaj Nivie», va ŭsich troch vypadkach havorka idzie pra kantraktnikaŭ, usie jany ŭčynili samahubstvy nie na słužbie i nie na terytoryi čaściej.
