Biełaruskija i rasijskija apieratyŭniki pa supraćdziejańni narkahandlu spynili bujny kanał pastaŭki narkatyčnych rečyvaŭ u našu krainu z Rasii, paviedamlaje pres-słužba biełaruskaj milicyi.
Taksama vyjaŭlena sietka ich raspaŭsiudžvańnia na terytoryi Biełarusi i rasijskaha Smalenska. U sumie kanfiskavana 8 kh narkotykaŭ (mietamfietamin, mietyłefiedron, hierain, hašyš, marychuana), što pryznačalisia dla realizacyi na terytoryi dźviuch dziaržaŭ.
Apieracyju pa zatrymańni narkadylera apieratyŭniki Minskaj vobłaści pravodzili ŭ Minsku na vulicy Niomanskaj — mienavita tam realizatar zachoŭvaŭ zabaronienaje narkaziele. Niepasredna ŭ momant zatrymańnia ŭ mužčyny vyjavili i kanfiskavali kala 250 hramaŭ ŭžo pafasavanaha durmanu, jaki pryznačaŭsia dla realizacyi ŭ Minskim rajonie. A druhuju častku narkotykaŭ u kolkaści amal 8 kh vyjavili i kanfiskavali na terytoryi Smalenska.
36-hadovy zatrymany rasijanin raniej byŭ nieadnarazova sudzimy za rabavańnie, machlarstva, kradziež i chulihanstva. Jon pry dapamozie mesendžaraŭ śpisvajecca z pastaŭščykom narkotyku i, atrymlivajučy kaardynaty schovanak, zabiraŭ tavar na terytoryi Smalenska. Tam ža jon paśpiavaŭ rabić schovanki dla spažyŭcoŭ. Pry hetym asabisty kantakt z pastaŭščykami i patencyjalnymi pakupnikami adsutničaŭ. Takim ža sposabam mužčyna naładziŭ zbyt narkotyku bolš drobnym realizataram i na terytoryi Biełarusi.
