Aktyvisty ekałahičnaha ruchu Extinction Rebellion («Paŭstańnie suprać vymirańnia») zabłakavali važny transpartny vuzieł u centry Bierlina, paviedamlaje Der Spiegel sa spasyłkaj na miascovuju palicyju.
Aktyvisty raźmiaścilisia vakoł Kałony Pieramohi ŭ akruzie Tyrharten, dzie znachodzicca daroha z kruhavym rucham.
«Kala tysiačy čałaviek błakujuć ruch na płoščy Vialikaja Zorka. Kali łaska, budźcie ŭvažlivyja i abjazdžajcie hetuju zonu», - paviedamlała palicyja Bierlina ranicaj u Twitter. Paźniej palicyja adznačyła, što zatoraŭ u horadzie amal niama, ale ruch pačynajecca zapavolvacca ŭ rajonie płoščy Patsdamier-plac, dzie apoŭdni pravodzicca demanstracyja.
U Amsterdamie pratestoŭcy sabralisia pierad budynkam mastackaha muzieja Riejkśmiusieum ranicaj, błakujučy ruch, paviedamlaje partał NLTimes. Palicyja zatrymała niekalkich čałaviek.
Padobnyja akcyi taksama zapłanavany ŭ Łondanie, Paryžy, Madrydzie, Amsterdamie, Ńju-Jorku, Buenas-Ajresie, Sidnei, Mielburnie i Piercie.
