3 kastryčnika ŭ Pieršamajski RAUS Viciebska źviarnułasia 53-hadovaja žančyna, jakaja paviedamiła, što dvoje złačyncaŭ praź niezačynienaje akno pranikli ŭ jaje kvateru na pieršym paviersie. Z prymianieńniem fizičnaj siły ŭ dačynieńni da jaje sužyciela zavałodali 120 rublami, paviedamlaje Źviazda.
Złačynstva ździejśnili niepracujučy, raniej sudzimy 34-hadovy viciabčuk i jaho 57-hadovaja maci.
Vyśvietliłasia, što padazravany zalez u akno da mužčyny, paśla čaho ŭpuściŭ u kvateru praź dźviery svaju maci. Užo ŭdvaich jany stali patrabavać u paciarpiełaha viarnuć doŭh, naniosšy pry hetym jamu niekalki udaraŭ. Nie atrymaŭšy žadanaha, svajaki syšli. Mužčyna vyklikaŭ na miesca zdareńnia milicyju, ale potym admoviŭsia pryciahvać da vyrašeńnia kanfliktu pravaachoŭnikaŭ.
Nieŭzabavie niaŭrymślivy złamyśnik viarnuŭsia. Jon znoŭ praz toje ž samaje akno trapiŭ u kvateru i staŭ źbivać jaje nasielnikaŭ. Na hety raz paciarpiełyja ŭsio ž źviarnulisia pa dapamohu da pravaachoŭnikaŭ. U dačynieńni da viciebčuka i jaho maci zaviedziena kryminalnaja sprava za rabavańnie.
