Videabłohiera Siarhieja Cichanoŭskaha, aŭtara papularnaha jutub-kanału «Kraina dla žyćcia» zatrymali ŭ centry Miensku paśla pikietu Mikałaja Statkieviča. Pra heta jon paviedamiŭ padčas pramoha efiru ŭ svaim kanale, piša Radyjo Svaboda.
Pavodle Cichanoŭskaha, jaho «ciahnuła» šeść ekipažaŭ DAI. U rajonie vulicy Karła Marksa aŭtamabil, jakim pieramiaščaŭsia błohier, spyniŭsia i supracoŭnik DAI paviedamiŭ, što na mašynu zarehistravanyja nieapłačanyja štrafy. Paźniej Siarhieja Cichanoŭskaha zaprasili prajechać u Leninski RAUS. Tam jamu było paviedamlena, što aŭtamabil, mahčyma, skradzieny.
Na tranślacyi bačna, što milicyjanty pavodziać siabie karektna. Siła suprać Cichanoŭskaha nie ŭžyvałasia. Jaho padazrajuć va ŭčynieńni administratyŭnaha pravaparušeńnia.