Ułady Niderłandaŭ vyrašyli kančatkova admovicca ad nazvy Hałandyja. Pra heta paviedamlaje The Guardian.
Takoje rašeńnie było paznačana ŭ ramkach abnaŭleńnia imidžu krainy. Ułady ličać, što Hałandyja va ŭsich asacyirujecca z narkotykami i Kvartałam čyrvonych lichtaroŭ. A taksama Hałandyja - heta ŭsiaho tolki dźvie z 12 pravincyj krainy
Paŭnočnaja i Paŭdniovaja Hałandyja — heta pravincyi na zachodnim uźbiarežžy Niderłandaŭ. Z 10 pa 16 stahodździe Hałandyja była adzinym palityčnym utvareńniem i kiravalisia hrafami Hałandyi.
Da 17 stahodździa jany byli daminujučaj častkaj tahačasnaj Hałandyi. Karaleŭstva Niderłandaŭ, što aznačaje ŭ pierakładzie nizkija krainy, paŭstała paśla parazy Napaleona ŭ bitvie pry Vaterłoa ŭ 1815 hodzie.
Adznačajecca, što Niderłandy chočuć pazicyjanavać siabie jak «raspracoŭščykaŭ pieradavych technałohij dla vyrašeńnia hłabalnych prablem». Akramia taho, urad płanuje ŭzmacnić turystyčnuju pryvabnaść inšych haradoŭ, akramia Amsterdama.
Pa dadzienych vydańnia, nazva Niderłandy buduć aktyŭna vykarystoŭvać u 2020 hodzie padčas Alimpijady ŭ Tokia i na piesiennym konkursie «Jeŭrabačańnie-2020».
Futbolnuju kamandu krainy, jakuju za miažoj časta nazyvajuć Hałandyjaj, u lubych aficyjnych situacyjach buduć nazyvać vyklučna Niderłandami.
Darečy, na biletach na matč 13 kastryčnika na minskim stadyjonie «Dynama» paznačana, što zbornaja Biełarusi budzie hulać mienavita ź Niderłandami.
