Pradstaŭnik araba-kurdskaha farmiravańnia «Siryjskija demakratyčnyja siły» (SDS) Mustafa Bali pryhraziŭ Turcyi «tatalnaj vajnoj», kali Ankara pačnie vajennuju apieracyju na poŭnačy Siryi. Adpaviednuju zajavu jon zrabiŭ u svaim tvitary
SDS prychilnaja ramkam miechanizmu biaśpieki i pradprymaje nieabchodnyja kroki dla zachavańnia stabilnaści ŭ rehijonie. Adnak my biez vahańniaŭ pieratvorym luby niespravakavany napad Turcyi ŭ tatalnuju vajnu na ŭsioj miažy, kab abaranić siabie i svoj narod», — napisaŭ Bali.
Raniej prezident Turcyi Redžep Taip Erdahan zajaviŭ, što Ankara padrychtavałasia da apieracyi ŭ Siryi. «Turcyja nie maje namieru zapluščvać vočy na padtrymku ZŠA terarystaŭ YPG/PKK (Atrady narodnaj samaabarony kurdaŭ i Pracoŭnaja partyja Kurdystana adpaviedna)», — padkreśliŭ turecki lidar. Jon dadaŭ, što ŭ ciapierašni čas u rehijonie taksama dziejničaje arhanizacyja SDS, jakaja, pa słovach prezidenta, taksama źjaŭlajecca terarystyčnaj.
