Prezident Ukrainy Uładzimir Zialenski kaža, što čuje hołas pratestoŭcaŭ, ale zaklikaje ich «nie paddavacca na manipulacyi i pravakacyi», a taksama zapeŭnivaje, što nikoli nie zdaść intaresy krainy, paviedamlaje Ukrajinśka pravda.
«Ja pavažaju kanstytucyjnaje prava kožnaha hramadzianina Ukrainy na pratest. Ja čuju vas, i paviercie, ja nikoli nie zdam Ukrainu. U toj ža čas ja vielmi prašu ŭsich uzvažana i spakojna padyści da situacyi i nie paddavacca na manipulacyi i pravakacyi niekatorych asob. Jany vielmi chočuć vykarystać vas, i viarnuć sabie mahčymaść rabavańnia, stać achviarami palityčnaha pieraśledu i paźbiehnuć kryminalnaj adkaznaści. Hetaha nie budzie. Usio budzie Ukraina!» — skazaŭ Zialenski.
Uviečary 2 kastryčnika na Majdanie Niezaležnaści ŭ Kijevie sabrałasia niekalki tysiač čałaviek, jakija nie zhodny ź dziejańniami prezidenta. Pratestoŭcy taksama pryjšli pad ścieny Ofisa prezidenta, patrabujučy nie dapuścić kapitulacyi Ukrainy pierad ahresaram. Jany skandavali «Zielu, heć!» i «Impičmient»».
