vk.com
Jakuckaha šamana Alaksandra Habyšava, jaki źbiraŭsia iści ŭ Maskvu, pryznali nieadekvatnym pa vynikach kompleksnaj psichołaha-psichijatryčnaj ekśpiertyzy. Pra heta paviedamiŭ kaardynatar pravaabarončaj arhanizacyi «Pravaabarona Paštoŭki» Alaksiej Pranišnikaŭ, pieradaje TASS.
Habyšava adpuścili pad padpisku ab niavyjeździe pa kryminalnaj spravie pa častcy 1 artykuła 280 KK (Publičnyja zakliki da ažyćciaŭleńnia ekstremisckaj dziejnaści), jaje raspačali 12 vieraśnia. Zhodna z pastanovaj, «Habyšaŭ z 6 sakavika pa 22 maja, znachodziačysia ŭ nieŭstalavanym miescy, źviarnuŭsia asabista da hrupy ludziej z zaklikami da ažyćciaŭleńnia ekstremisckaj dziejnaści». Tam taksama skazana, što psichołaha-linhvistyčnaje daśledavańnie vyjaviła ŭ jaho słovach «publičny zaklik da hvałtoŭnych dziejańniaŭ».
Habyšieva zatrymali 19 vieraśnia na 202-m kiłamietry fiederalnaj trasy M-53 «Bajkał». Jon išoŭ pieššu ź Jakucii ŭ Maskvu «vyhaniać Pucina», bo tak «Boh zahadaŭ». Dystancyju ŭ vosiem tysiač kiłamietraŭ šaman płanavaŭ pieraadoleć da 2021 hoda. Z saboj jon vioz dvuchmiatrovuju kalasku, jaho supravadžała hrupa z 20 čałaviek. Na momant zatrymańnia jon prajšoŭ užo try tysiačy kiłamietraŭ.
